"Kapitalbank" ATB va IT Park Uzbekistan texnologik park rezidentlari uchun qulay bank muhitini rivojlantirishga qaratilgan hamkorlik memorandumini imzoladilar.
Hujjatga ko‘ra, Kapitalbank IT Park rezidentlariga bank hisoblari ochishning soddalashtirilgan tartibini, shuningdek, ustuvor xizmat ko‘rsatish va ixtisoslashtirilgan bank mahsulotlari va maslahatlaridan foydalanish imkoniyatini taqdim etadi.
Hamkorlik biznes yuritish va O‘zbekistonning raqamli iqtisodiyotini rivojlantirish uchun eng qulay shart-sharoitlarni yaratishga qaratilgan. Bitim doirasida eksportga yo‘naltirilgan rezidentlarga alohida e’tibor qaratilgan: ular uchun alohida "yashil yo‘lak" mexanizmi ko‘zda tutilgan bo‘lib, bu tartib-taomillardan tezkor o‘tish va tashqi iqtisodiy faoliyatga tezkor kirishish imkonini beradi.
"Raqamli iqtisodiyotni rivojlantirish nafaqat texnologik bazani, balki moslashuvchan, barqaror moliyaviy infratuzilmani ham talab qiladi" - deb ta'kidladi Kapitalbank ATB Boshqaruv raisi Kirill Mayevskiy.
