Ayrim Telegram-kanallarda "UzAuto Motors" AJ tomonidan ishlab chiqarilgan transport vositalarini ayrim tijorat banklaridan sotib olishda yuzaga kelgan muammolar haqida asossiz ma’lumotlar tarqalganligi sababli, "Kapitalbank" ATB rasmiy izoh berish zarur deb hisoblaydi.
UzAuto Motors tomonidan ishlab chiqarilgan Onix, Tracker va Damas avtomobillarini sotib olishni moliyalashtirish UzAuto Motors va "Kapitalbank" ATB o‘rtasida kelishilgan yagona mexanizm asosida amalga oshiriladi.
UzAuto Motors va "Kapitalbank" ATB o‘rtasidagiqo‘shma aksiya doirasida mijozlarga o‘z vaqtida va sifatli maslahatlar berish hamda kredit mahsulotlarini rasmiylashtirish uchun yetarli miqdordagi xodimlarjalb etilgan.
Mijozlarga xizmat ko‘rsatish elektron navbat asosida, tezkor va shaffof tarzda amalga oshirilmoqda.
Dastur haqida batafsil ma’lumotni Kapitalbank rasmiy veb-sayti yoki 1340 qisqa raqami orqali olishingiz mumkin.
