Murojaatni joʻnatish

Sizga bevosita “Kapitalbank” Aksiyadorlik tijorat banki Boshqaruvi Raisiga elektron shaklda murojaatnoma yuborish imkoniyati taqdim etiladi. Bunda Sizning yuboriladigan murojaatingiz rasmiy tusga ega boʻladi.

1. Agar siz jismoniy shaxs sifatida murojaat etsangiz, familiyangiz (ismingiz, otangiz ismini), yashash joyingiz toʻgʻrisidagi maʼlumotlarni koʻrsatib oʻtishingiz hamda murojaat mohiyatini bayon etishingiz lozim. Yuridik shaxs murojaatida yuridik shaxsning toʻliq nomi, joylashgan joyi (pochta manzili) toʻgʻrisida maʼlumotlar koʻrsatib oʻtilishi hamda murojaat mohiyati bayon etilishi lozim.


2. Eʼtibor bering! Tuhmat, haqorat, yolgʻon xabarlarni oʻz ichiga olgan murojaatnomalarni taqdim etish taqiqlanadi.


3. Shuningdek, eslatib oʻtamiz, murojaatingizni koʻrib chiqish quyidagi asoslarda rad etilishi mumkin:


• odobsizlik mazmunidagi murojaatlar (uyatsiz yoxud haqoratli iboralar, tahdidlar, mantiq va maʼnosi boʻlmagan takliflar va shunga oʻxshash murojaatlar);
• murojaat matnida tushunarsiz qisqartirishlar yoki reklama materiallari mavjud boʻlgan, tarkibida aniq arizalar, shikoyatlar yoki takliflar boʻlmagan murojaatlar;
• tijorat takliflarini, turli tadbirlar, seminarlarga taklifnomalarni, bank faoliyati bilan bogʻliq boʻlmagan boshqa har qanday axborotni joʻnatish. Bu kabi axborotni siz elektron pochtaga joʻnatishingiz mumkin.


4. Shuningdek, bitta va aynan oʻsha foydalanuvchining bir necha bor ushbu masala boʻyicha javob berilgan murojaati, agar unda yangi vajlar yoki holatlar keltirilmagan boʻlsa, koʻrib chiqilmaydi.

Mazkur talablar Oʻzbekiston Respublikasining amaldagi qonunchiligidan kelib chiqqan holda belgilangan.