Размер шрифта: A A A
Цвет сайта: A A A A
"Kapitalbank" ATB Davlat byudjeti hisobidagi mablag’lardan subsidiyalar to'lash bilan ipoteka kreditlarini beradi
15 Jul 2020

Ipoteka bo’yicha subsidiyalar berish tartibi.

Vazirlar Mahkamasining qaroriga binoan, ipoteka krediti bo'yicha boshlang'ich badal foizi shaharlar uchun 25 %dan 20 %gacha va qishloq joylarda 10 %gacha kamaytirildi.

Bundan tashqari, davlat byudjetidan subsidiyalar beriladi:

  • yangi shahar binolari uchun kvartira narxining 10 % miqdorida boshlang'ich to'lov;
  • ipoteka krediti bo'yicha foizlarni to'lash. Qishloq joylardagilar uchun ham, shahardagi yangi binolar uchun ham dastlabki 5 yil davomida kredit bo'yicha foizlar davlat byudjetidan to'lanadi.

Kim subsidiya olishi mumkin?

Uy-joy sharoitlarini yaxshilashga muhtoj oilalar, ular bir qator ijtimoiy mezonlar (daromadlari, hozirgi yashash holati, ijtimoiy himoyaga muhtoj va boshqalar) bo'yicha baholanadi. Baholash asosida olingan ball hisoblab chiqiladi. Subsidiyani olish uchun kamida 30 ball to'plash kerak.

O'rtacha oylik daromadi quyidagicha bo'lgan oilalarga subsidiya ajratilmaydi.

  • qishloq joylarda - eng kam ish haqining 3,8 baravaridan kam va eng kam ish haqining 5,8 baravaridan ko'p;
  • shaharlarda - eng kam ish haqining 4 baravaridan kam va eng kam ish haqining 5 baravaridan ko'p;
  • Toshkent shahrida - eng kam ish haqining 4,5 baravaridan kam va eng kam ish haqining 9 baravaridan ko’p.

* 2020-yil 14-iyul holatiga ko’ra eng kam ish haqi 679 330,00 so‘mni tashkil etadi

Qanday qilib subsidiyani olish mumkin

Subsidiyani olish uchun ariza beruvchi shaxsan Davlat xizmatlari markazi (DXM) yoki Yagona interaktiv davlat xizmatlari portali (YaIDXP) bilan bog'lanadi.

Shaxsiy murojaatnomada DXM xodimi ariza beruvchining nomidan so’rovnoma-ariza to'ldiradi, YaIDXP orqali ariza topshirayotganda esa, ariza beruvchi my.gov.uz saytida elektron shaklda so’rovnoma-ariza shaklini mustaqil ravishda to'ldiradi, so’rovnoma-ariza shaklida ariza beruvchi kelgusida komissiya tasdiqlanganidan keyin ipoteka krediti rasmiylashtiriladigan bankni tanlaydi va unga quyidagi hujjatlarni ilova qiladi:

  • jismoniy shaxsning identifikatsiya raqami;
  • ariza beruvchining oila a'zolarining identifikatsiya raqamlari (nikoh to'g'risidagi guvohnoma va tug'ilganlik to'g'risidagi guvohnoma);
  • ajralish to'g'risidagi guvohnoma yoki nikohning haqiqiy emasligi to'g'risidagi sud qarori (agar nikoh ro'yxatdan o'tgan bo'lsa) yoki FHDYO organlari arxividan ma’lumotnoma nusxasi (agar nikoh ro’yhatdan o’tmagan bo'lsa);
  • ariza beruvchining doimiy yashash joyidagi kadastr raqami va turi (agar ro'yxatdan o'tish manzili yashash joyi bilan mos kelsa);
  • kvartira bo’yicha kartaning nusxasi (17-sonli shakl) yoki uy kitobi (agar ro'yxatdan o'tish manzili yashash joyi bilan mos kelsa);
  • ariza beruvchining va birgalikda qarz oluvchining daromadlari to'g'risida ma'lumotnoma;

DXM va YaIDXP orqali ariza beruvchilarga xizmatlar bepul taqdim etiladi.

Subsidiya olish uchun arizalar ko'rib chiqish uchun 2020-yil 1-martdan 1-oktyabrgacha qabul qilinadi. Ushbu muddatdan keyin berilgan arizalar ko'rib chiqilmaydi.

Mas'ul tashkilotlar murojaat etgan shaxsning ijtimoiy mezonlarga muvofiqligini u taqdim etgan hujjatlar asosida 10 ish kuni ichida tekshiradi.

Subsidiyalarini to'lash uchun fuqarolarni tanlab olish bo'yicha komissiya taqdim etilgan hujjatlar va ma'lumotlar asosida, shuningdek, ijtimoiy mezonlar bo'yicha baholash natijalari asosida ariza beruvchiga ipoteka kreditlari bo'yicha subsidiyalar berish yoki bermaslik to'g'risida qaror qabul qiladi.

Komissiya subsidiyalar berishni ma'qullaganidan so'ng, ariza beruvchi o’zi tomonidan avvaldan tanlangan, unga ipoteka krediti rasmiylashtiruvchi bankga murojaat qilishi mumkin.

Subsidiyalar olish shartlari to'g'risida batafsil ma'lumot bilan ilova qilingan Vazirlar Mahkamasining 03.25.2020 yildagi 182-sonli qarorining faylida tanishishingiz mumkin.


/ Manba: ko'rsatilmagan / Ko'rishlar: 901
Belgilangan matnni tinglash uchun quyidagi tugmani bosing Powered by GSpeech