Размер шрифта: A A A
Цвет сайта: A A A A
"Kapitalbank" ATB MAKON Marketing Forum 2021 III Xalqaro marketing biznes forumining strategik hamkoriga aylandi
22 May 2021
2021-yil 22-may kuni Hyatt Regency Tashkent mehmonxonasida marketing va reklama sohasida O'zbekistondagi eng keng ko'lamli tadbirlar bo'lib o'tdi. Unda yetakchi mahalliy va xorijiy ekspertlar, marketologlar va yirik kompaniyalar top-menejerlari ishtirok etishdi.

Forumning ochilish marosimida so'zga chiqqan "Kapitalbank" ATB Boshqaruv Raisi Alisher Mirzaev bugungi kunda marketing biznes uchun haqiqatan ham muhim yo'nalish ekanligini va bundan bir yil oldin, dunyo global pandemiya qurshovida qolganida, barcha sohalarda yangi marketing tafakkuri paydo bo'la boshlanganini ta'kidladi.

481_20.JPG

«Barchamiz dunyoga, biznesga, iste'molchiga boshqacha nazar bilan qaradik. Vaziyat shu qadar oldindan aytib bo'lmaydigan va rejalashtirish shunchalik beqaror ediki, ehtimol biz ilk bor an'anaviy yo'ldan og'ishdik. Vaziyat bizni noodatiy qarorlarni qabul qilishga majbur qildi. Biz mijozga imkon qadar moslashishga harakat qildik, jumladan, biz kartalarni uygacha yetkazib berdik, onlayn tarzda kreditlar berdik va omonatlarni qabul qildik, o'zimizning kecha-kunduz ishlaydigan aloqa markazimizni ochdik va mijozlarga masofadan turib 24 soat xizmat ko'rsatdik. Natijada, ushbu yechimlarning barchasi bugungi xizmatimizning bir qismiga aylandi », - dedi Alisher Mirzaev.

Bu yil "Kapitalbank" tadbirning strategik hamkoriga aylandi. Alisher Mirzaev bank doimo tadbirkorlar, marketologlar, piar-mutaxassislari o'z tajribalari bilan o'rtoqlashishi mumkin bo'lgan, yoshlar o'z sohasining yetakchi mutaxassislari bilan do'stona norasmiy muhitda muloqot qilish imkoniyatiga ega bo'lgan bunday tadbirlarni qo'llab-quvvatlashdan doimo mamnun ekanligini ta'kidladi.
/ Manba: ko'rsatilmagan / Ko'rishlar: 72
Belgilangan matnni tinglash uchun quyidagi tugmani bosing Powered by GSpeech